Árdna-bálkkašupmi

Frist: 15.07.2020

Lea goalmmát háve UiT ja Sámi dutkamiid guovddáš juohkiba bálkkašumi buoremus masterčállosii eamiálbmotfáttás. Bálkkašupmi juhkkojuvvo kandidáhttii gii 2019/2020 lea čállán buoremus masterčállosa fáttás mii lea čadnon eamiálbmogiidda ja eamiálbmogiid dilálašvuhtii. Bálkkašupmi lea 10 000,- (NOK).

Ulbmil:
Bálkkašumi ulbmiliin lea loktet beroštumi ja čalmmustahttit sámi ja eamiálbmotguoskevaš gažaldagaid UiT Norgga árktalaš universitehta masterprográmmain. Bálkkašupmi juhkkojuvvo dan buoremus masterčállosii eamiálbmotfáttás ovtta akademalaš jagis, ja čálus galgá leat geigejuvvon muhtun UiT masterprográmmii. Bálkkašupmi galgá movttiidahttit kandidáhta viidáseappot ovdánit fágasuorggis.

Nominašuvdna:
Sámi dutkamiid guovddáš bovde fágabirrasiid evttohit kandidáhtaid bálkkašupmái.
Evttohusas galget čuovvovaš oasit boahtit ovdan:

  • Gii evttohuvvo
  • Čálalaš čilgehus evttohussii, mo fáddá lea relevánta sámi ja eamiálbmotáššiide
  • Gii evttoha

Evttohus galgá leat eanemustá 1 siiddu guhku ja sáddejuvvo e-poastta bokte postmottak@sami.uit.no ovdal suoidnemánu 15. beaivvi 2020. E-poasta merkejuvvo Árdna-bálkkašupmi 2020.

Jus evttohuvvon čálus ii leat sensurerejuvvon ovdal áigemeari, de sáhttá árvosáni sáddet maŋŋel.

Eavttut:
Bálkkašumi oažžuma eavttut:

  • Čálus galgá leat geigejuvvon dán akademalaš jagis muhtun UiT masterprográmmii
  • Čállosa fáddá galgá leat čadnon eamiálbmogiidda ja eamiálbmogiid dilálašvuođaide ovddeš- dahje dálááiggis
  • Čálus galgá leat čállojuvvon dárogillii, sámegillii dahje eŋgelasgillii, ja dat galgá leat geigejuvvon Munin bokte.

Evttohusaid árvvoštallan:
Eamiálbmotmastera prográmmastivra nammada árvvoštallanlávdegotti mii vállje bálkkašumi vuoiti. Das galget leat unnimustá golbma lahtu geat gullet iešguđetge fágasurggiide.

Bálkkašumi juohkin:
NB! Mii fuomášuhttit ahte dán jagáš bálkkašupmi almmuhuvvo ja geigejuvvo lohkanbaji álggus daningo Riddu Riđđu Festivála ii lágiduvvo suoidnemánus. Dán jagáš bálkkašumis lea danin festiválapássa Riddu Riđđu 2021 festiválii.

Ovddeš Árdna-bálkkašumi vuoitit:

2018: Áslat-Niillas Áslat - Aslak Holmberg: Bivdit Luosa – To Ask for Salmon. Saami Traditional Knowledge on Salmon and the River Deatnu: In Research and Decision-making. ( https://munin.uit.no/handle/10037/12868 )

2019: Ellen-Johanne Kvalsvik: The Art of Performing Sound in Sámi Tourism: Decolonising Sápmi by Sounding Care in Verdde Tourism. ( https://munin.uit.no/handle/10037/16279 )

Norsk
In English


Få utskriftsvennlig versjon ved å trykke på denne
Attachments / Pictures
Retningslinjer_samisk