Sámi dutkamiid guovddáš bovde Joho Niillas seminárii golggotmánu 21. beaivvi 2025, dii. 12.15-13.15. Logaldallit: Ánne-Hedvig Salmi Nordsletta ja Anne Randi Solbakken, UiT Norgga árktalaš universitehta. Mii guossohit gáfe ja deaja.
(Senter for samiske studier inviterer til Joho Niillas seminar tirsdag 21. oktober 2025 kl. 12.15-13.15. Formålet med Joho Niillas seminarene er å skape en arena for å diskutere faglige tema på samisk. Vi serverer kaffe og te.)
Áigi: Maŋŋebárgga golggotmánu 21. b. 2025, dii. 12.15-13.15
Báiki: Čoahkkinlatnja Guovssu TEO-H2 2.228, Sámi dutkamiid guovddáš. Seminára sáhttá maiddái čuovvut neahta bokte (Teams).
Dovttergrádabargguid ovdanbuktimat:
Ánne-Hedvig Salmi Nordsletta, PhD-stipendiáhtta, UiT Norgga árktalaš universitehta: Mu dutkan – riegádahttin Sámis
Mun áiggun ovdanbuktit mu dutkamiid maid mun lean čađahan mu doavttirgrádabarggu oktavuođas. Fáddá lea riegádahttin Sámis – vásáhusat, árbevierut ja oainnut sihke sápmelaččain ja čalbmeetniin davvi Sámis Norgga bealde.
Anne Randi Solbakken, PhD-stipendiáhtta, UiT Norgga árktalaš universitehta: Sámegieloahpahus váhnemiid geahččansajis
Hástalusat ja vejolašvuođat kvantitatiivva datačoaggimis.
Ovdanbuktimat leat dušše sámegillii ja eai dulkojuvvo (presentasjonene er bare på samisk og vil ikke bli tolket).
Joho Niillas seminárat lea Joho Niillasa dahje Nils Jernslettena gudnin. Joho Niillas lei Romssa universitehta vuosttaš sámegiela professor. Son lei maiddái servodatberošteaddji, earret eará lei son sámediggeáirras, sámi vuoigatvuođalávdegotti áirras ja biibbaljorgalanbarggu jođiheaddji. Semináraid ulbmil lea sámegillii gaskkustit dutkamiid ja áigeguovdilis áššiid. Sihke UiT Norgga árktalaš universitehta dutkit ja earát leat buresboahtin muitalit iežaset dutkamiid birra.
Lea maiddái vejolašvuohta čuovvut seminára Teams bokte
Bures boahtin!
When: 21.10.25 kl 12.15–13.15
Where:
TEO-H2, 2.228 Guovssu, Sámi dutkamiid guovddáš
Location / Campus: Digitalt, Tromsø
Zielgruppe: Ansatte, Studenten, Besøkende
Responsible: Arnstein Johnskareng